تحدث المطرب عمر كمال عن الأشخاص الذي يشعر منهم بالغيرة، مشيرا إلى أنه يغار جدا ويحسد من علاقتهم قوية بربنا، أو أقوى منه، ومن يسبقه بركعة وحريص على الالتزام بأداء مناسك العمرة، مؤكدا أنه أخذ من الدنيا كل شيء يريده.

عمر كمال: بغير من اللي علاقته بربنا أحسن مني 

وقال عمر كمال في لقاء تليفزيوني له، عندما سئل "بتحسد مين"، ليرد عمر كمال: "لو بحسد حد بحسد اللي سابقني بركعة، اللي علاقته بربنا أحسن مني، هو الوحيد اللي ممكن أغير منه وأحسد واجتهد إني أنافسه، وده اللي يستاهل الغيرة".

وتابع عمر كمال حديثه، في تصريحات رصدها موقع تحيا مصر: "أنا شايف إني عيشت الحياة بكل أشكالها، وخدت اللي أنا عايزه، واللي عيني شافته ايدي طالته، لكن أغير من واحد محافظ على صلاته، ومواظب على عمرة".

عمر كمال: الموسيقيين في أماكن السهر بيصلوا وده بيحرجني قدام ربنا 

وأكد عمر كمال: لما بدخل قاعة أو أماكن سهر بلاقي موسيقيين فاردين سجادة الصلاة وبيصلوا وفيه ناس منهم بتنزل أقرب جامع فبحس أنهم أحرجوني قدام ربنا.. لا الشغل ولا المجال منعهم من القرب لربنا.

يذكر أن عمر كمال سبق ورد على منتقدي عدم استكمال تعليمه، قائلا: مع كامل احترامي لكل المتعلمين اللي  بيقولوا ليا شهادتنا نحطها فين أنتوا أفضل مني.. وحضرتك بتحاسبني على حاجة مليش ذنب فيها ولما أنت كنت بتنزل الجامعة أنا كنت بقف طابور عمال عشان أجيب أكل يومي، أنت ليه بتحاسبني أنا مالي سواء حطتها في الدرج أو على الحيطة وأنا مخدتش رزقك أنا اجتهدت وسعيت؟.

ألبوم عمر كمال الجديد

عمر كمال أطلق ألبومه الجديد "رهان كسبان" واللي بيضم 12 أغنية متنوعة. الألبوم بيحتوي على أغاني مثل "اتغيرتي ومشيتي"، "في كل الأماكن"، "سيبنا بعض ليه"، و"قرار غلط"،وتعاون به  مع نخبة من الشعراء والملحنين والموزعين في مصر والوطن العربي، مثل عزيز الشافعي، تامر حسين، محمد يحيى، وسام عبد المنعم، رامي جمال، توما، نادر حمدى، وأمين نبيل.

ويمثل هذا الألبوم تحولاً في مسار عمر كمال الفني، ومحاولة لتقديم نفسه بصورة جديدة أمام جمهوره. إنه رهان على العمل بأكمله، لما يتضمنه من تنوع موسيقي ومفاجآت في الكلمات والألحان والتوزيعات.