قدم الإعلامي إبراهيم فايق بياناً مطولاً دافع فيه عن فلسفة برنامجه "قهوة فايق"، مؤكداً أنه مساحة حرة لجميع الآراء الكروية المختلفة والمتباينة، تماماً كجلسات القهوة الحقيقية.

تحيا مصر،  أوضح فايق أن التنوع الجدلي للضيوف هو جوهر البرنامج، وليس عيباً، واستشهد بحالة الكابتن أسامة نبيه للدفاع عن مبدأ إعطاء "الفرصة الثانية" للمدربين واللاعبين الذين قد يمرون بتجارب إخفاق، رافضاً فكرة الإقصاء التام لأي خبير رياضي بسبب خطأ عابر.

وكتب إبراهيم فايق عبر حسابه الرسمي" أكس":" قهوة فايق  مش برنامج دي قعدة كورة مفتوحة بيظهر فيها ٦ ضيوف كل حلقة بتسمع وتشوف فيهم كل الأصوات وكل الاراء.. جميع الاراء.. هي فكرة القهوة كده .. أنماط مختلفة وشخصيات مختلفة وافكار جدلية زي الي بتقابلها على القهوة.. مش هينفع كل الناس تتكلم نفس اللغة ويبقى عندها نفس الطريقة والأسلوب والفكرة.. إلا ساعتها يبقى حوار نمطي عادي جدا.. قعدة مش حقيقية.. بلاستيك مفيهاش روح.

وتابع قائلاً:" متفهم جداً حبكم لقعدة القهوة وده شرف كبير جدً بس ده انت فاهم اكيد انه ده محتوى كروي تقريبا انت بتسمع فيه رأيك اللي عايز تقوله من خلال ٣٠ ضيف هتشوفهم على مدار ٥ أيام.. فمستحيل هتتوافق معاهم كلهم، كابتن أسامة نبيه مكانش موفق في تصريحاته بعد خروجنا من كأس العالم.. تجربته مكانتش ناجحة وكلنا اقرينا بكده.. لكنه زي اي شخص في اي مجال عنده تجارب ناجحة برضه.. الراجل كان مدرب عام منتخب مصر مع هيكتور كوبر اللي صعد كأس عالم ووصل نهائي البطولة الأفريقية.. فاي مدرب ولعيب معرض للإخفاق ومش معنى كده انه ينتهي ونقضي عليه.. لا يدرب تاني ولا يتكلم في الكورة تاني؟! ما اللي بيغلط عنده فرصة يطور من نفسه ويحسن من اداؤه ويرجع تاني.. ليه مؤمنين بالفرصة التانية لما احنا نخفق انما مش مؤمنين بالفرصة التانية لما غيرنا يخفق".

وواصل قائلاً:" على المستوى العالمي.. لعيبة ومدربين بيرتكبوا اخطاء وبيعملوا إخفاقات كبيرة وموجودين وبيتكلموا في الكورة بحكم خبراتهم وافكارهم، الكورة آراء ووجهات نظر وجمالها في جدليتها.. ازعل مني لو قدمت لك ضيف بيخرج عن الإطار.. انتقدني لو ظهر عندي ضيف تجاوز او غلط.. انت جرّبتني وعارف اني بسمع لك ولما حصل تجاوز انت شوفت تصرفنا كان عامل ازاي .. لاني بعتبرك شريك في البرنامج.. انما كلنا معرضين للنجاح والفشل".

وأختتم قائلاً:" ولو أنا قدمت حلقة وحشة هتقولي اقعد في البيت مش عايز اشوفك تاني؟، اوعى تقول اه صباحكم زي الفل.. وربنا يعلم بحبكم قد ايه.. وبحب استغل الفرص اللي ممكن تخلق ارضية نقاش واحدة وقريبة.